എടച്ചേരി: മഹല്ലുകള്‍ നാടിന്റെ നന്മയുടെ തുരുത്തുകളാവണമെന്ന് പാറക്കല്‍ അബ്ദുല്ല എം.എല്‍.എ. എസ്.കെ.എസ്.എസ്.എഫ് എടച്ചേരി മേഖലാ കമ്മിറ്റി സംഘടിപ്പിച്ച സിയാദ-18 മഹല്ല് സാരഥീ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വര്‍ധിച്ചു വരുന്ന സാമൂഹിക തിന്മകളെ ഇല്ലായ്മ ചെയ്യാനും നാടിന്റെ സമാധാനവും പരസ്പര സഹകരണവും നിലനിര്‍ത്താനും മഹല്ല് കമ്മിറ്റികള്‍ ആത്മാര്‍ഥമായി മുന്നോട്ട് വരണമെന്ന് അദ്ദേഹം ആവശ്യപ്പെട്ടു.
സംഗമത്തില്‍ എം.കെ യൂസുഫ് ഹാജി അധ്യക്ഷനായി. ഹാരിസ് റഹ്മാനി തിനൂര്‍, റാഫി റഹ്മാനി പുറമേരി ക്ലാസുകള്‍ക്ക് നേതൃത്വം നല്‍കി.
സയ്യിദ് ഹൈദ്രോസ് തുറാബ് തങ്ങള്‍, കെ. മൊയ്തു മാസ്റ്റര്‍, ജബ്ബാര്‍ മൗലവി, ഹിളര്‍ റഹ്മാനി, ടി.കെ അമ്മദ് മാസ്റ്റര്‍, ബഷീര്‍ എടച്ചേരി, തൈക്കണ്ടി കുഞ്ഞബ്ദുല്ല മുസ്‌ലിയാര്‍, ഒ.കെ മൊയ്തു സംസാരിച്ചു. മേഖല പ്രസിഡന്റ് മുനീര്‍ പുറമേരി സ്വാഗതവും ട്രഷറര്‍ ശാദുലി ഹാജി കുറിഞ്ഞാലിയോട് നന്ദിയും പറഞ്ഞു.