ന്യൂഡല്‍ഹി: 2020 ആകുമ്പോഴേക്കും ഇന്ത്യ ലോകത്തിലെ ഏറ്റവും വലിയ മൂന്നാമത്തെ കാര്‍ വിപണിയാകുമെന്ന് മാരുതി സുസുക്കി അഭിപ്രായപ്പെട്ടു. തങ്ങള്‍ക്കും ആ വലിയ വളര്‍ച്ചയുടെ ഭാഗമാകാനാകുമെന്നും മാരുതി പ്രതീക്ഷയര്‍പ്പിക്കുകയും ചെയ്തു.
രാജ്യത്തെ യാത്രാ വാഹനങ്ങളില്‍ അന്‍പത് ശതമാനവും മാരുതിയുടെതാണെന്നാണ് കമ്പനിയുടെ അവകാശവാദം.

2020 ആകുമ്പോഴേക്കും രണ്ട് മില്യണ്‍ യൂനിറ്റ് വില്‍പനയാണ് മാരുതിയുടെ ലക്ഷ്യം. ഇതിനായി ഗുജറാത്തില്‍ പുതിയ പ്ലാന്റും മാരുതി ആരംഭിച്ചിട്ടുണ്ട്. ജനീവ മോട്ടോര്‍ ഷോയിലാണ് മാരുതി ഇക്കാര്യം അറിയിച്ചത്. ഉത്പാദനം വര്‍ധിപ്പിക്കുന്നതിന്റെ ഭാഗമായി ഇന്ത്യയില്‍ വിവിധ മോഡലുകളിലുള്ള പുതിയ കാറുകളും മാരുതി പുറത്തിറക്കുന്നുണ്ട്. കമ്പനിയുടെ മൂന്നാം തലമുറയില്‍പെട്ട സ്വിഫ്റ്റ് ജനീവ മോട്ടോര്‍ ഷോയില്‍ അവതരിപ്പിച്ചു. എല്ലാ വര്‍ഷവും രണ്ട് പുതിയ മോഡല്‍ കാറുകള്‍ പുറത്തിറക്കാനാണ് മാരുതി തീരുമാനിച്ചിരിക്കുന്നത്.