കണ്ണൂര്‍:ജില്ലാ മുസ്‌ലിം കമ്മിറ്റിയുടെ രണ്ട് ദിവസം നീണ്ടു നില്‍ക്കുന്ന എക്‌സിക്യൂട്ടീവ് ക്യാംപ് നേതൃസമീക്ഷയെന്ന പേരില്‍ ഇന്നുംനാളെയും കാട്ടാമ്പള്ളി കൈരളി ഹെറിറ്റേജില്‍ പ്രത്യേകം സജജമാക്കിയ ഇ.അഹമ്മദ് നഗറില്‍ നടക്കും.
ഇന്ന് 10ന് ജില്ലാ മുസ്‌ലിം ലീഗ് പ്രസിഡണ്ട് പി.കുഞ്ഞിമുഹമ്മദിന്റെ അധ്യക്ഷതയില്‍ അഡ്വ.കെ.എന്‍.എ.ഖാദര്‍ എം.എല്‍.എ ക്യാംപ് ഉദ്ഘാടനം ചെയ്യും.സംസ്ഥാന മുസ്‌ലിം ലീഗ് സെക്രട്ടറി അബ്ദുറഹിമാന്‍ കല്ലായി മുഖ്യപ്രഭാഷണം നടത്തും.
നാളെ രാവിലെ ഒന്‍പതു മണിക്ക് സംഘടനാ സെഷന്‍ മുസ്ലിം ലീഗ് സംസ്ഥാന വൈസ് പ്രസിഡണ്ട് വി.കെ.അബ്ദുല്‍ ഖാദര്‍ മൗലവി ഉദ്ഘാടനം ചെയ്യും. ചന്ദ്രിക പത്രാധിപര്‍ സി.പി.സെയ്തലവി സംഘാടനത്തിന്റെ രീതിശാസ്ത്രം എന്ന വിഷയത്തില്‍ ക്ലാസ്സെടുക്കും. പ്രമുഖ പണ്ഡിതന്‍ മുസ്തഫ ഹുദവി ആക്കോട് ഉദ്‌ബോധനവും കെ.എം.ഷാജി എം.എല്‍.എ .സമാപന പ്രസംഗവും നടത്തും.
സമകാലീക രാഷട്രീയ, സാമൂഹ്യവിഷയങ്ങളെക്കുറിച്ച് ക്യാംപില്‍ ചര്‍ച്ചകളും തീരുമാനങ്ങളുമുണ്ടാകും.