കോഴിക്കോട്: അത്തോളിയില്‍ യുവാവിനെ ലോക്കപ്പില്‍ പൊലിസ് മര്‍ദ്ദിച്ചതായി പരാതി. ബാലുശേരി സ്വദേശി അനൂപാണ് മര്‍ദ്ദനത്തെ തുടര്‍ന്ന് ലോക്കപ്പില്‍ കുഴഞ്ഞുവീണത്. ഇയാളെ ആശുപത്രിയില്‍ പ്രവേശിപ്പിച്ചു.

ഒരു കല്യാണവീട്ടില്‍ മദ്യപിച്ചെത്തിയ ചില പൊലിസുകാര്‍ അവിടെയുള്ളവരെ അസഭ്യം പറഞ്ഞതിനെ തുടര്‍ന്ന് അനൂപടക്കമുള്ള യുവാക്കള്‍ ഇതിനെ ചോദ്യം ചെയ്തിരുന്നു. ഇതിനു പ്രതികാരമെന്നോണമാണ് അനൂപടക്കമുള്ള യുവാക്കളെ കസ്റ്റഡിയിലെടുത്തതിനു പിന്നിലെന്നാണ് ആരോപണം.

മര്‍ദ്ദിച്ച പൊലിസുകാരനെതിരായി അത്തോളി പോലീസില്‍ പരാതി നല്‍കിയെങ്കിലും സ്വീകരിക്കാന്‍ തയ്യാറായില്ലെന്ന് അനൂപ് പറയുന്നു.