തലശ്ശേരി: ഫെഡറേഷന്‍ ഓഫ് നാഷനല്‍ പോസ്റ്റല്‍ ഓര്‍ഗനൈസേഷന്‍ സംസ്ഥാന സമ്മേളനം നാളെ മുതല്‍ 11വരെ തലശ്ശേരി ടൗണ്‍ഹാളില്‍ നടക്കും. പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. എം.കെ രാഘവന്‍ എം.പി, ചീഫ് പോസ്റ്റ് മാസ്റ്റര്‍ ജനറല്‍ ശാരദ സമ്പത്ത് പങ്കെടുക്കും. ഉച്ചയ്ക്കു12ന് മുല്ലപ്പള്ളി രാമചന്ദ്രന്‍ എം.പിയും രണ്ടിന് വനിതാസമ്മേളനം സുമാ ബാലകൃഷ്ണനും ഉദ്ഘാടനം ചെയ്യും. വൈകിട്ട് നാലിന് നഗരത്തില്‍ സുവര്‍ണ ജൂബിലി ഘോഷയാത്ര നടക്കും, അഞ്ചിന് പൊതുസമ്മേളനം ഷാനിമോള്‍ ഉസ്മാന്‍ ഉദ്ഘാടനം ചെയ്യും.

10നു സുവര്‍ണജൂബിലി ആദരസമ്മേളനവും വൈകിട്ട് നാലിന് ട്രേഡ് യൂണിയന്‍ സൗഹൃദ സമ്മേളനവും 11നു സമാപന സമ്മേളനവും നടക്കും. സമാപന സമ്മേളനം എം.ഐ ഷാനവാസ് എം.പി ഉദ്ഘാടനം ചെയ്യും.