കൂത്തുപറമ്പ്: റോഡരികില്‍ നിര്‍ത്തിയിട്ട സ്വകാര്യ ബസ് മാനസിക വൈകല്യമുള്ളയാള്‍ പിന്നോട്ടെടുത്ത് വാഹനങ്ങള്‍ തകര്‍ത്തു. ഇന്നലെ ഉച്ചയോടെ മൗവ്വേരിയിലാണ് സംഭവം. അറ്റകുറ്റപ്പണിക്കായി എത്തിച്ച ബസ് വര്‍ക്ക്‌ഷോപ്പിനു സമീപം നിര്‍ത്തിയിട്ടതായിരുന്നു.
ഈസമയം മാനസിക വൈകല്യമുള്ള യുവാവ് ബസില്‍ കയറി ബസ് പിന്നോട്ടെടുക്കുകയായിരുന്നു. റോഡ് കടന്നു ബസ് മറുവശത്തു നിര്‍ത്തിയിട്ട സ്‌കൂട്ടറിലും കാറിലും ഇടിച്ച് നിര്‍ത്താതെ നീങ്ങി. ഉടന്‍ ഡ്രൈവര്‍ ഓടിക്കയറി ബസ് നിര്‍ത്തിക്കുകയായിരുന്നു.