മേലമ്പാറ: ബസും കാറും കൂട്ടിയിടിച്ച് രണ്ട് പേര്‍ക്ക് പരുക്കേറ്റു. കാണക്കാരി സ്വദേശി ജിഷ്ണു(25), അരീപ്പറമ്പ് സ്വദേശി കുര്യന്‍(42) എന്നിവര്‍ക്കാണ് പരുക്കേറ്റത്. മേലമ്പാറ അമ്പലത്തിന് സമീപത്താണ് അപകടമുണ്ടായത്. എറണാകുളത്തു നിന്നും കുമളിയിലേക്ക് പോകുകയായിരുന്ന സ്വകാര്യ ബസും പാലായിലേക്ക് പോകുന്ന കാറുമാണ് അപകടത്തില്‍പ്പെട്ടത്. പരുക്കേറ്റവരെ ഈരാറ്റുപേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു.