സൗത്ത് അൽ ശർഖിയയിൽ വെള്ളത്തിനടിയിലുള്ള ആർക്കിയോളജിക്കൽ സർവേ ആരംഭിച്ചതായി ഒമാൻ മിനിസ്ട്രി ഓഫ് ഹെറിറ്റേജ് ആൻഡ് ടൂറിസം വ്യക്തമാക്കി. 2024 ഡിസംബർ 4-നാണ് മന്ത്രാലയം ഇക്കാര്യം അറിയിച്ചത്.

ഈ അണ്ടർവാട്ടർ ആർക്കിയോളജിക്കൽ സർവേ ആരംഭിച്ചിരിക്കുന്നത് സത്ത് അൽ ശർഖിയ ഗവർണറേറ്റിലെ പുരാതന നഗരമായ ഖൽഹാഥിന്റെ തീരത്താണ്. ഒമാനിലെ പുരാവസ്തു അവശേഷിപ്പുകൾ കണ്ടെത്തി സംരക്ഷിക്കുന്നതിന്റെ ഭാഗമാണ് നടപടി.

في إطار جهودها المتواصلة لاستكشاف ودراسة التراث الثقافي لسلطنة عُمان، بدأت وزارة التراث والسياحة أعمال مشروع المسح الأثري تحت الماء لساحل مدينة قلهات التاريخية بمحافظة جنوب الشرقية. يضم المشروع فريقًا من الخبراء والباحثين المتخصصين في مجال الآثار البحرية، ويهدف إلى اكتشاف ومسح… pic.twitter.com/jggk3tDbGR

— وزارة التراث والسياحة - عُمان (@OmanMHT) December 4, 2024

പ്രാചീന ഖൽഹാഥ് തുറമുഖത്തിന്റെ അവശേഷിപ്പുകൾ കണ്ടെത്തുന്നതിനും, സർവേ ചെയ്യുന്നതിനും, കണ്ടെത്തലുകൾ രേഖപ്പെടുത്തുന്നതിനും ഈ നടപടി ലക്ഷ്യമിടുന്നു. പതിനൊന്നാം നൂറ്റാണ്ട് മുതൽ പതിനാറാം നൂറ്റാണ്ട് വരെയുള്ള കാലഘട്ടത്തിൽ വാണിജ്യ, സാമ്പത്തിക പ്രവർത്തനങ്ങളിൽ വളരെ പ്രാധാന്യമുള്ള സ്ഥലമായിരുന്നു ഖൽഹാഥ് തുറമുഖം.

ഒമാനെ അറേബ്യൻ ഉപദ്വീപുകൾ, ഇന്ത്യൻ ഉപഭൂഖണ്ഡം എന്നിവയുമായി ബന്ധിപ്പിച്ചിരുന്ന സമുദ്ര വാണിജ്യ പാതയിലെ പ്രധാനപ്പെട്ട ഒരു നഗരമായിരുന്നു ഖൽഹാഥ് തുറമുഖം എന്നാണ് വിലയിരുത്തപ്പെടുന്നത്.

The Sultanate of Oman has commenced an underwater archaeological survey in South Al Sharqiya, aiming to explore and preserve the country's rich maritime heritage.