മുക്കം: കഴിഞ്ഞ ദിവസം മലയോര മേഖലയില്‍ അനുഭവപ്പെട്ട ശക്തമായ മഴയിലും കാറ്റിലും വ്യാപക നാശനഷ്ടങ്ങള്‍. വാഴ കര്‍ഷകര്‍ക്കാണ് കാര്യമായ നഷ്ടമുണ്ടായത്. വല്ലത്തായ്പാറ കവളോറയില്‍ സ്ഥലം പാട്ടത്തിനെടുത്ത് കൃഷിയിറക്കിയ ഷാജി കുമാറിന്റെ 200 വാഴകള്‍ കാറ്റില്‍ നിലംപൊത്തി. വിളവെടുപ്പിന് 16 മാസം ആവശ്യമുളള സ്വര്‍ണമുഖി ഇനത്തില്‍ പെട്ട വാഴ 14 മാസമെത്തിയപ്പോഴാണ് നശിച്ചത്. കാരശ്ശേരി ബാങ്കില്‍നിന്ന് രണ്ടര ലക്ഷം രൂപ ലോണെടുത്താണ് ഇദ്ദേഹം കൃഷിയിറക്കിയത്. കാരശേരി പഞ്ചായത്തിലെ കല്‍പ്പൂര് വയലില്‍ കൃഷിയിറക്കിയ മോഹനന്റെ 300ഓളം വാഴകളും കാറ്റില്‍ നിലംപൊത്തി.