കൊല്ലം: സംസ്ഥാന ദുരന്ത നിവാരണ വകുപ്പിന്റെ നിര്‍ദേശമനുസരിച്ച് വരള്‍ച്ചാ ദുരിതാശ്വാസ പ്രവര്‍ത്തനങ്ങളുടെ ഭാഗമായി കൊല്ലം ജില്ലയില്‍ കുടിവെള്ള വിതരണം ഊര്‍ജ്ജിതമാക്കി. നിലവില്‍ കൊട്ടാരക്കര, പത്തനാപുരം, പുനലൂര്‍, കൊല്ലം താലൂക്കുകളിലായി 31 വില്ലേജുകളിലാണ് കുടിവെള്ള വിതരണം നടന്നുവരുന്നത്.
അതത് പ്രദേശങ്ങളിലെ ജനങ്ങളുടെ ആവശ്യം കണക്കിലെടുത്ത് ടാങ്കര്‍ ലോറികളില്‍ വെള്ളമെത്തിക്കുന്നതിനുള്ള ക്രമീകരണമാണ് ജില്ലാ ഭരണകൂടം സ്വീകരിച്ചിട്ടുള്ളത്. വിതരണത്തിന്റെ കാര്യക്ഷമത ഉറപ്പുവരുത്തുന്നതിനായി ജി.പി.എസ് സംവിധാനവും വാഹനങ്ങളില്‍ ക്രമീകരിച്ചിട്ടുണ്ട്. ജല വിതരണം സുഗമമാക്കുന്നതിന് തഹസീല്‍ദാര്‍മാര്‍ക്കും ഗ്രാമപഞ്ചായത്ത് സെക്രട്ടിമാര്‍ക്കും നിര്‍ദേശങ്ങള്‍ നല്‍കിയിട്ടുണ്ട്.