കട്ടപ്പന: എല്ലാവര്‍ക്കും സാനിട്ടറി ടോയ്‌ലെറ്റ് സൗകര്യമുള്ളതും തുറസ്സായ മലമൂത്രവിസര്‍ജ്ജന രഹിതവുമായ സംസ്ഥാനത്തെ ആദ്യ നഗരസഭയായി കട്ടപ്പന മാറുന്നു. ഇന്ന് രാവിലെ 11 മണിക്ക് കട്ടപ്പന മുന്‍സിപ്പാലിറ്റിയില്‍ ചേരുന്ന യോഗത്തില്‍ വച്ച് ഇതു സംബന്ധിച്ച പ്രഖ്യാപനം നടക്കും.
രണ്ട് വര്‍ഷങ്ങളിലായി 854 ടോയ്‌ലെറ്റുകള്‍ നിര്‍മ്മിച്ച് എല്ലാ വീടുകളിലും അംഗനവാടികളിലും സ്‌കൂളുകളിലും ടോയ്‌ലെറ്റ് സൗകര്യം നഗരസഭ ഏര്‍പ്പെടുത്തുകയും പൊതുസ്ഥലങ്ങള്‍ വൃത്തിയായി പരിപാലിക്കുകയും ചെയ്തു.  
 ജില്ലാ ശുചിത്വ മിഷന്റെ രണ്ടു ടീമുകള്‍ നടത്തിയ പരിശോധനയില്‍ ഇക്കാര്യം വ്യക്തമായിട്ടുള്ളതിന്റെ അടിസ്ഥാനത്തില്‍ ജില്ലാ ശുചിത്വ മിഷന്‍ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ്   കട്ടപ്പന മുനിസിപ്പാലിറ്റി തുറസ്സായ മലമൂത്രവിസര്‍ജ്ജന രഹിത  (ഒ.ഡി.എഫ്) മുന്‍സിപ്പാലിറ്റിയായി പ്രഖ്യാപിക്കപ്പെടുന്നത്.