കൊല്ലം: പുറ്റിങ്ങല്‍ ദുരന്തവുമായി ബന്ധപ്പെട്ട് ക്രൈംബ്രാഞ്ച് സംഘം ജില്ലാ കലക്ടര്‍ എ.ഷൈനാമോളെ ചോദ്യം ചെയ്തു. ഇന്നലെ ഓഫീസ് സമയം കഴിഞ്ഞായിരുന്നു ചോദ്യം ചെയ്യല്‍. ദുരന്തത്തിനിടയായ വെടിക്കെട്ടിന് അനുമതി വാങ്ങാന്‍ ക്ഷേത്രം ഭാരവാഹികള്‍ വന്നതിന്റെ കാര്യങ്ങളായിരുന്നു പ്രധാനമായും തിരക്കിയത്. മത്സരകമ്പം നിഷേധിച്ചതിന്റെ പേരില്‍ ഭാരവാഹികള്‍ രണ്ടാമത് വന്നതിന്റെ കാര്യങ്ങള്‍ കൃത്യമായി ഓര്‍ക്കുന്നില്ലെന്നായിരുന്നു കലക്ടറുടെ മറുപടി. ചില രേഖകളും ക്രൈംബ്രാഞ്ച് സംഘം പരിശോധിച്ചു. ക്രൈംബ്രാഞ്ച് എസ.്പി ശ്രീധറിന്റെ നേതൃത്വത്തില്‍ മൂന്നംഗ ഉദ്യോഗസ്ഥസംഘമാണ് അന്വേഷണത്തിന് എത്തിയത്.