പാരിസ്: സ്‌പെയിനിനെതിരായ പ്രീക്വാര്‍ട്ടര്‍ പോരാട്ടത്തില്‍ ഇറ്റലിയുടെ കാന്‍ഡ്രെവ കളിക്കില്ല. ഗ്രൂപ്പ് ഘട്ടത്തിലേറ്റ പരുക്കാണ് താരത്തിന് വില്ലനായത്. പരുക്കില്‍ നിന്ന് മുക്തമാകാന്‍ ഇതുവരെ കാന്‍ഡ്രെവക്ക് സാധിച്ചിട്ടില്ലെന്ന് ടീം അധികൃതര്‍ അറിയിച്ചു. ഇറ്റലിയുടെ മധ്യനിര നിയന്ത്രിച്ചിരുന്ന കാന്‍ഡ്രെവയുടെ അഭാവം ടീമിന് കനത്ത തിരിച്ചടിയാണ്. 

അതേസമയം പനി കാരണം കഴിഞ്ഞ കളിയില്‍ ഇറാങ്ങാന്‍ കഴിയാതിരുന്ന ക്യാപ്റ്റനും ഗോള്‍കീപ്പറുമായ ബഫണ്‍ സ്‌പെയിനിനെതിരേ വലകാക്കാന്‍ ഇറങ്ങും. നിലവിലെ ചാംപ്യന്‍മാരെ തകര്‍ത്ത് പ്രീക്വാര്‍ട്ടറില്‍ കടക്കാനാവുമെന്നാണ് കോച്ച് അന്റോണിയോ കോണ്‍ഡെയുടെയും സംഘത്തിന്റെയും പ്രതീക്ഷ.