ഒളവണ്ണ: രോഗപ്രതിരോധ പ്രവര്‍ത്തനങ്ങളെ കുറിച്ച് അവബോധം വളര്‍ത്തിയെടുക്കുക എന്ന ലക്ഷ്യത്തോടെ ഒളവണ്ണ ഗ്രാമ പഞ്ചായത്തിലെ വിവിധ വാര്‍ഡുകളില്‍ പി.ടി.എ റഹിം എം.എല്‍.എയുടെ നേതൃത്വത്തില്‍ ഗൃഹസന്ദര്‍ശന ബോധവല്‍ക്കരണ പരിപാടി സംഘടിപ്പിച്ചു.
രോഗം വന്നതിന് ശേഷം ചികിത്സിക്കുക എന്നതിലുപരി രോഗങ്ങള്‍ വരാതിരിക്കാനും രോഗപ്രതിരോധ പ്രവര്‍ത്തനങ്ങളെ കുറിച്ച് ജനങ്ങളില്‍ അവബോധം വളര്‍ത്തിയെടുക്കുക എന്ന ലക്ഷ്യം വച്ചാണ് ഗൃഹസന്ദര്‍ശന പരിപാടി സംഘടിപ്പിച്ചതെന്ന് ഗ്രാമപഞ്ചായത്ത് പ്രസിഡന്റ് കെ. തങ്കമണി പറഞ്ഞു. ഗ്രാമ പഞ്ചായത്തംഗങ്ങളായ മഠത്തില്‍ അബ്ദുല്‍ അസീസ്, കെ.കെ ജയപ്രകാശന്‍, ജൂനിയര്‍ ഹെല്‍ത്ത് ഇന്‍സ്‌പെപെക്ടര്‍ കെ. പ്രദീപ്, ആശാ വര്‍ക്കര്‍മാര്‍, കുടുംബശ്രീ പ്രവര്‍ത്തകര്‍ പരിപാടിയില്‍ സംബന്ധിച്ചു.