ആറ്റിങ്ങല്‍: അടുത്തു നടന്ന അഞ്ചു തെരഞ്ഞെടുപ്പുകളുടെ ഫലം വന്നതോടുകൂടി ബി.ജെ.പി കുടുതല്‍ തീവ്രവര്‍ഗീയ നിലപാടുകള്‍ ശക്തിപ്പെടുത്താനാണ് ശ്രമിക്കുന്നതെന്ന് വി.എസ്.അച്യുതാനന്ദന്‍ പറഞ്ഞു. കേരളത്തില്‍ കോ-ലീ-ബി സഖ്യം തിരിച്ചു വരുന്നതായും അദ്ദേഹം പറഞ്ഞു. ഇ.എം.എസ്, എ.കെ.ജി ദിനാചരണത്തിന്റെ ഭാഗമായി ആറ്റിങ്ങല്‍ മാമത്തു നടന്ന വര്‍ഗീയ വിരുദ്ധ സംഗമം ഉദ്ഘാടനം ചെയ്തു സംസാരിക്കുകയായിന്നു അദ്ദേഹം. മലപ്പുറം തെരഞ്ഞെടുപ്പില്‍ പഴയ സഖ്യം പൊടി തട്ടിയെടുക്കുവാനുള്ള ശ്രമത്തിലാണെന്നും അദ്ദേഹം പറഞ്ഞു.
ബി.സത്യന്‍ എം.എല്‍.എയുടെ അദ്ധ്യക്ഷതയില്‍ കൂടിയ യോഗത്തില്‍ ആര്‍.രാമു, ആര്‍.സുഭാഷ്, എം.പ്രദീപ് തുടങ്ങിയവര്‍ സംസാരിച്ചു. യോഗത്തിന് മുന്നോടിയായി മൂന്നു മുക്കു മുതല്‍ മാമം ഗ്രൗണ്ടു വരെ റെഡ് വോളന്റിയര്‍ മാര്‍ച്ചും നടത്തി.