കോഴിക്കോട്: ഗ്രെയ്റ്റര്‍ മലബാര്‍ ഇനീഷിയേറ്റിവ് മലബാര്‍ ടൂറിസം വികസനവുമായി ബന്ധപ്പെട്ട ചര്‍ച്ച നടത്തി. വിഷയത്തില്‍ കോഴിക്കോട്ടെ എഴുപതോളം വിദഗ്ധര്‍ ജില്ലാ കലക്ടറുമായി സംവദിച്ചു.
എന്‍ജിനീയര്‍ പി.സി റഷീദ് ജില്ലയിലെ പ്രദേശങ്ങളെയും ടൂറിസം സാധ്യതകളെയും കുറിച്ച് റിപ്പോര്‍ട്ട് അവതരിപ്പിച്ചു.
വിവിധ മേഖലകളിലെ ടൂറിസം മേഖലയില്‍ പ്രവര്‍ത്തിച്ച തന്റെ അനുഭവം കലക്ടര്‍ പങ്കിട്ടു. നഗരത്തിലെ റോഡുകളുടെ ശോചനീയാവസ്ഥയില്‍ മാറ്റം വരുത്തുന്നതിന് സത്വര നടപടി തുടങ്ങിയതായി കലക്ടര്‍ അറിയിച്ചു. മാലിന്യ നിര്‍മാര്‍ജനത്തിന് ശാശ്വത പരിഹാരം ഉണ്ടാകുമെന്നും കോര്‍പറേഷനുമായി സഹകരിച്ച് പദ്ധതികള്‍ ആവിഷ്‌കരിക്കുമെന്നും അദ്ദേഹം പറഞ്ഞു.
ജി.എം.ഐ വൈസ് പ്രസിഡന്റ് എ.കെ നിഷാദ് അധ്യക്ഷനായി.
റോഷന്‍ കൈനടി, സി.എ ആഷിഖ്, ജോഹര്‍ ടാംടണ്‍, എന്‍ജിനീയര്‍ ഹാഷിര്‍, മുബശിര്‍, നൗഫല്‍, ക്യാപ്റ്റന്‍ ഹരിദാസ്, ടി.സി അഹമ്മദ്, ഗുലാം ഹുസൈന്‍, എസ്.എ അബൂബക്കര്‍, സുബ്രഹ്്മണ്യന്‍ സംസാരിച്ചു.