കോഴിക്കോട്: ഭക്ഷ്യഭദ്രതാ നിയമപ്രകാരം മുന്‍ഗണനാ വിഭാഗത്തിനായി തയാറാക്കിയ ലിസ്റ്റിലെ അനര്‍ഹരെ കണ്ടെത്താന്‍ കോഴിക്കോട് സൗത്ത് സിറ്റി റേഷനിങ് ഓഫിസിന്റെ പരിധിയിലുള്ള വീടുകളില്‍ പരിശോധന ആരംഭിച്ചു.
മേത്തോട്ടുതാഴം, സൗത്ത് ബീച്ച് പ്രദേശങ്ങളില്‍ നടത്തിയ പരിശോധനയില്‍ 11 കുടുംബങ്ങള്‍ അനര്‍ഹമായി പട്ടികയില്‍ സ്ഥാനം പിടിച്ചതായി കണ്ടെത്തി. അര്‍ഹതയില്ലാതെ സൗജന്യമായി റേഷന്‍ വാങ്ങുന്നവര്‍ക്കെതിരേ കര്‍ശന നടപടി സ്വീകരിയ്ക്കും. പരിശോധന വരുംദിവസങ്ങളിലും തുടരുമെന്ന് സിറ്റി റേഷനിങ് ഓഫിസര്‍ അറിയിച്ചു.