തിരുവനന്തപുരം: സര്‍ക്കാരിനും മന്ത്രിമാര്‍ക്കും സി.പി.എം സംസ്ഥാന സെക്രട്ടറിയേറ്റില്‍ രൂക്ഷ വിമര്‍ശനം. പല മന്ത്രിമാരും പ്രതീക്ഷയ്‌ക്കൊത്തുയര്‍ന്നില്ല. ഭരണം മാറിയെന്ന് പൊലിസ് അറിഞ്ഞില്ല. പ്രകടന പത്രികയിലെ വാഗ്ദാനങ്ങള്‍ നടപ്പിലാക്കുന്നതില്‍ നീക്കമുണ്ടാകുന്നില്ലെന്നും സി.പി.എം സെക്രട്ടറിയേറ്റ് നിരീക്ഷിച്ചു.

പല വകുപ്പുകളും അനാവശ്യവിവാദങ്ങള്‍ക്ക് പിറകെ പോവുകയാണ്. തുടര്‍ച്ചയായുണ്ടാകുന്ന വിവാദങ്ങള്‍ സര്‍ക്കാരിന്റെ പ്രതിച്ഛായയെ ബാധിക്കുന്നുണ്ടെന്നും യോഗം വിലയിരുത്തി.