ന്യൂഡല്‍ഹി: തമിഴ്‌നാട്ടിലെ തൂത്തുക്കുടിയിലെ പൊലിസ് വെടിവയ്പിനെ രൂക്ഷമായി വിമര്‍ശിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രംഗത്ത്. ആര്‍.എസ്.എസ് സിദ്ധാന്തത്തെ അംഗീകരിക്കാത്തതിനാലാണ് തമിഴ്‌നാട്ടുകാര്‍ കൊല്ലപ്പെടുന്നതെന്ന് തമിഴ് ഭാഷയില്‍ രാഹുല്‍ ട്വീറ്റ് ചെയ്തു.
മോദിയുടെ വെടിയുണ്ടകള്‍ക്ക് തമിഴ് ജനതയെ അടിച്ചമര്‍ത്താനാകില്ല. കോണ്‍ഗ്രസ് തമിഴ്‌നാട്ടുകാര്‍ക്കൊപ്പമാണെന്നും രാഹുല്‍ ഗാന്ധി പറഞ്ഞു.രണ്ടു ദിവസങ്ങളിലായി നടന്ന വെടിവയ്പില്‍ 12 പേരാണ് കൊല്ലപ്പെട്ടത്.