വടുന്‍ചാല്‍: നിപാ വൈറസ് ബാധ കേരളത്തില്‍ ഭീതി വിതക്കുന്ന സാഹചര്യത്തില്‍ അതിര്‍ത്തി ചെക്ക് പോസ്റ്റുകളില്‍ തമിഴ്‌നാടിന്റെ വാഹന പരിശോധന.
തമിഴ്‌നാട് ആരോഗ്യ വിഭാഗമാണ് പരിശോധന നടത്തുന്നത്. കേരളത്തില്‍ നിന്നും തമിഴ്‌നാട്ടിലേക്ക് പ്രവേശിക്കുന്ന വാഹനങ്ങളിലെ യാത്രക്കാര്‍ക്ക് ഏതെങ്കിലും രോഗങ്ങള്‍ ഉണ്ടൊ എന്നും അന്വേഷിക്കുന്നുണ്ട്.
24 മണിക്കൂറും പ്രവര്‍ത്തിക്കുന്ന മൊബൈല്‍ ക്ലിനിക്കും തമിഴ്‌നാട് സജ്ജമാക്കിയിട്ടുണ്ട്. ചോലാടി, താളൂര്‍ തുടങ്ങിയ ചെക്ക് പോസ്റ്റുകളിലാണ് പരിശോധന നടക്കുന്നത്.
തമിഴ്‌നാട്ടില്‍ ഇരുവരെ നിപ നിപ്പോര്‍ട്ട് ചെയ്തിട്ടില്ല എന്നാല്‍ അടിയന്തര സാഹചര്യങ്ങള്‍ നേരിടാനും പ്രതിരോധ പ്രവര്‍ത്തനങ്ങളുമായി തമിഴ്‌നാട് അതീവ ജാഗ്രതയിലാണ്.
ഒരു ഹെല്‍ത്ത് ഇന്‍സ്‌പെക്ടറും ഒരു ഡോക്ടറും അടങ്ങുന്ന സംഘമാണ് വാഹന പരിശോധന നടത്തുന്നത്.
എല്ലാ ദിവസവും രാവിലെ ആരംഭിക്കുന്ന പരിശോധന രാത്രി ഏറെ വൈകി മാത്രമെ അവസാനിക്കൂ.
പനിയുമായി യാത്ര ചെയ്യുന്നവരുടെ രക്ത പരിശോധനയ്ക്കുള്ള സൗകര്യവും വരും ദിവസങ്ങളില്‍ ഒരുക്കും. അടിയന്തിര സാഹചര്യത്തില്‍ ഉപയോഗിക്കാനായി ആംബുലന്‍സും സജ്ജമാക്കിയിട്ടുണ്ട്