നാദാപുരം: മൃഗസംരക്ഷണ വകുപ്പിന്റെയും വളയം പഞ്ചായത്തിന്റെയും സംയുക്താഭിമുഖ്യത്തില്‍ ജില്ലാതല പേവിഷബാധ പ്രതിരോധ ഏകദിന ബോധവല്‍ക്കരണ സെമിനാര്‍ വളയം യു.പി സ്‌കൂളില്‍ തുടങ്ങി. ജില്ലാ പഞ്ചായത്ത് വികസനകാര്യ ചെയര്‍പേഴ്‌സണ്‍ പി.കെ സജിത സെമിനാര്‍ ഉദ്ഘാനം ചെയ്തു. പഞ്ചായത്ത് പ്രസിഡന്റ് എം. സുമതി അധ്യക്ഷയായി.  ജില്ലാ മൃഗസംരക്ഷണ ഓഫിസര്‍ ഡോ. എ.സി മോഹന്‍ ദാസ് മുഖ്യ പ്രഭാഷണം നടത്തി. ഡോ. വി. രാമചന്ദ്രന്‍ പദ്ധതി വിശദീകരിച്ചു. ജില്ലാ അസി. പ്രൊജകറ്റ് ഓഫിസര്‍ ഡോ. പി.കെ ഷിഹാബുദ്ദീന്‍, വളയം വെറ്ററിനറി സര്‍ജന്‍ ഡോ. പി. ഗിരീഷ് കുമാര്‍ ക്ലാസെടുത്തു.