തിരുവനന്തപുരം: തന്നെ ആന്ധ്രപ്രദേശിന്റെ എ.ഐ.സി.സി ജനറല്‍ സെക്രട്ടറിയായി തെരഞ്ഞെടുത്ത കോണ്‍ഗ്രസ് പ്രസിഡന്റ് രാഹുല്‍ ഗാന്ധിയുടെ തീരുമാനം അംഗീകരിക്കുന്നുവെന്ന് മുന്‍മുഖ്യമന്ത്രി ഉമ്മന്‍ചാണ്ടി. തീരുമാനത്തില്‍ ആര്‍ക്കും അതൃപ്തിയില്ലെന്നും ഉമ്മന്‍ചാണ്ടി പറഞ്ഞു.
നിലവിലെ സെക്രട്ടറിയായ ദിഗ് വിജയ് സിങ് ഒഴിയുന്ന സാഹചര്യത്തിലാണ് ഉമ്മന്‍ചാണ്ടിയെ നിയമിക്കുന്നത്. പുതിയ നിയോഗം വെല്ലുവിളിയായി ഏറ്റെടുക്കുന്നുവെന്നും സംസ്ഥാനത്ത് നിന്ന് പൂര്‍ണമായും വിട്ടുനില്‍ക്കില്ലെന്നും അദ്ദേഹം പറഞ്ഞു.