ബംഗളൂരു: മുന്‍ കേന്ദ്ര മന്ത്രിയും കര്‍ണാടക കോണ്‍ഗ്രസ് എം.എല്‍.എയുമായ സിന്ധു ബി നിയാംഗൗഡ (70) വാഹനാപകടത്തില്‍ മരിച്ചു. ഗോവയില്‍ ബഗല്‍കോട്ടിലെ വീട്ടിലേക്കുള്ള യാത്രക്കിടെ എം.എല്‍.എയുടെ കാര്‍ ട്രക്കുമായി കൂട്ടിയിടിച്ചാണ് അപകടമുണ്ടായത്. കര്‍ണാടകയിലെ തുളസിഗേരിക്ക് സമീപമാണ് അപകടം. ഡല്‍ഹിയില്‍ നിന്ന് ഗോവയിലേക്ക് വിമാന മാര്‍ഗം എത്തിയ എം.എല്‍.എ കാര്‍മാര്‍ഗം വീട്ടിലേക്ക് വരുകയായിരുന്നു.
ജാംഗണ്ഡിയില്‍ മണ്ഡലത്തില്‍ നിന്ന് വിജയിച്ചാണ് ഇദ്ദേഹം എം.എല്‍.എ ആയത്. ബി.ജെ.പിയുടെ ശ്രീകാന്ത് കുല്‍ക്കര്‍ണിയെ 2500 വോട്ടുകള്‍ക്കാണ് പരാജയപ്പെടുത്തിയത്. അപകടം നടന്ന ഉടനെ ഇദ്ദേഹത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യയും അഞ്ച് മക്കളുമുണ്ട്.
1990-91 കാലത്ത് നരസിംഹ റാവു മന്ത്രി സഭയില്‍ കേന്ദ്ര മന്ത്രിയായിരുന്നു ഇദ്ദേഹം.