പുനലൂര്‍: കൊലപാതകികള്‍ക്ക് ഒത്താശ ചെയ്യുന്ന ഗൂണ്ടാസംഘ നേതാവായി മുഖ്യമന്ത്രി മാറിക്കഴിഞ്ഞെന്ന് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍ മഹേഷ് ആരോപിച്ചു.
കെവിന്റെ കൊലപാതകത്തിലെ അന്വേഷണം അട്ടിമറിക്കാനുള്ള സര്‍ക്കാരിന്റെയും പൊലിസിന്റെയും നീക്കത്തിനെതിരെ പുനലൂര്‍ ഡിവൈ.എസ്.പി ഓഫിസിലേക്ക് യൂത്ത് കോണ്‍ഗ്രസ് കൊല്ലം പാര്‍ലമെന്റ് കമ്മിറ്റി നടത്തിയ മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.
ഒരു വീട്ടില്‍ ഒരു വിധവയെന്ന സി.പി.എം നയം നടപ്പാക്കാന്‍ ഡി.വൈ.എഫ്.ഐ പ്രത്യേകം കൊലപാതക ക്വട്ടേഷന്‍ സംഘത്തെ രൂപീകരിച്ചിരിക്കുകയാണ്. ഈ സംഘത്തിന് ശിക്ഷണം നല്‍കുന്നതും സംരക്ഷിക്കുന്നതും കേരള പൊലിസ് നേരിട്ടാണ്. ഇതിന് ഒടുവിലത്തെ ഉദാഹരണമാണ് കെവിന്റെ കൊലപാതകമെന്നും യൂത്ത് കോണ്‍ഗ്രസ് അഭിപ്രായപ്പെട്ടു.
ബാരിക്കേഡ് തള്ളിമാറ്റി മുന്നോട്ട് പോയ യൂത്ത് കോണ്‍ഗ്രസ് പ്രവര്‍ത്തകര്‍ക്കുനേരെ പൊലീസ് ലാത്തി വീശി. നിരവധി യൂത്ത് കോണ്‍ഗ്രസ് പ്രവര്‍ത്തകര്‍ക്ക് പരുക്കേറ്റു.
പാര്‍ലമെന്റ് മണ്ഡലം പ്രസിഡന്റ് എസ്.ജെ പ്രേംരാജ് അധ്യക്ഷനായി. സഞ്ജയ്ഖാന്‍, സജീവ് കുമാര്‍, അരുണ്‍രാജ്, വിഷ്ണുസുനില്‍ പന്തളം, ഷെഫീക്ക് ചെന്താപ്പൂര്, അനസ് അലി, ആര്‍.എസ് അബിന്‍, കണ്ണന്‍, ഷെഫീക് കിളികൊല്ലൂര്‍, ഫൈസല്‍, രാധാകൃഷ്ണന്‍, സനല്‍കുമാര്‍, പ്രദീപ് മാത്യു, ഷാജഹാന്‍, അനീഷ്ഖാന്‍, അനീഷ്, ജയപ്രകാശ്, റെജി സംസാരിച്ചു