ജിദ്ദ: മദ്യ നിര്‍ണാണശാലയില്‍ പൊലിസ് നടത്തിയ റെയ്ഡില്‍ കണ്ണൂര്‍ സ്വദേശി പിടിയില്‍. നിര്‍മാണത്തിന് നേതൃത്വം നല്‍കിയ കണ്ണൂര്‍ സ്വദേശി ഉമേഷ് ആണ് പിടിയിലായത്. 32 ചെറിയ കാനുകളിലും 20 ബക്കറ്റിലുമായി വില്‍പ്പനക്കായി സൂക്ഷിച്ച മദ്യവും 100 കിലോ പഞ്ചസാരയും മദ്യ നിര്‍മാണത്തിന് ഉപയോഗിച്ചിരുന്ന സാമഗ്രികളും വില്‍പ്പന നടത്താന്‍ ഉപയോഗിച്ചിരുന്ന വാഹനവും ഇവിടെ നിന്നു പിടികൂടിയിട്ടുണ്ട്.
ഉമേഷ് താമസിക്കുന്ന കെട്ടിടത്തില്‍ നിന്നു മദ്യത്തിന്റെ ഗന്ധം അനുഭവപ്പെട്ടതിനെ തുടര്‍ന്ന് കെട്ടിടയുടമ പരാതി നല്‍കുകയായിരുന്നു.
തുടര്‍ന്ന് കെട്ടിടം നിരീക്ഷണവിധേയമാക്കിയ പൊലിസ് രണ്ടു ദിവസത്തിനു ശേഷമാണ് പ്രതിയെ പിടികൂടിയത്. മലയാളികളായ നിസാം, ജിതിന്‍ എന്നിവര്‍ അടക്കം അഞ്ചു പേര്‍കൂടി സംഘത്തിലുള്ളതായി പൊലിസിനോട് ഉമേഷ് പറഞ്ഞു, ബാക്കി പ്രതികള്‍ക്കായി അന്വേഷണം ഊര്‍ജിതമാക്കിയിട്ടുണ്ട്. തുടര്‍ നടപടിക്കായി ഇയാളെ മതകാര്യ വകുപ്പിന് കൈമാറി.