പുനലൂര്‍: കെവിനെ തട്ടിക്കൊണ്ടുപോകാന്‍ ഉപയോഗിച്ച വാഹനങ്ങളെല്ലാം പൊലിസ് കണ്ടെടുത്തു. മൂന്ന് വാഹനങ്ങളിലായാണ് കെവിനെയും ബന്ധു അനീഷിനെയും സംഘം തട്ടിക്കൊണ്ടുപോയത് ഇതില്‍ ഒരു ഇന്നോവ കാര്‍ തിങ്കളാഴ്ച്ച തന്നെ തെന്മലയില്‍ നിന്നും കണ്ടെത്തിയിരുന്നു.

ഇന്ന് ഉച്ചയോടെയാണ് കെവിനെ തട്ടിക്കൊണ്ടുപോയ ചുവന്ന നിറത്തിലുള്ള ഐ20 കാര്‍ പുനലൂരില്‍ ഉപേക്ഷിച്ച നിലയില്‍ കണ്ടെത്തിയത്.മറ്റൊരു കാറും പുനലൂരിനടുത്തുനിന്നും കണ്ടെത്തിയിട്ടുണ്ട്.

കസ്റ്റഡിയിലെടുത്ത കാര്‍ ഫൊറന്‍സിക് സംഘം പരിശോധിച്ച് തെളിവുകള്‍ ശേഖരിച്ചു.
പുനലൂര്‍ സ്വദേശി ടിറ്റു എന്നയാളുടേതാണ് ഐ20.