കല്‍പ്പറ്റ: കനത്ത മഴയിലും കാറ്റിലും വ്യാഴാഴ്ച 54,88,500 രൂപയുടെ വാഴ കൃഷി നശിച്ചു. സുല്‍ത്താന്‍ ബത്തേരി, കോട്ടത്തറ, പൊഴുതന, തിരുനെല്ലി, തൊണ്ടര്‍നാട്, മാനന്തവാടി, വേങ്ങപ്പള്ളി, തവിഞ്ഞാല്‍ കൃഷിഭവനുകളുടെ കീഴിലാണ് കൃഷിനാശം റിപ്പോര്‍ട്ട് ചെയ്തത്. 182 കര്‍ഷകരുടെയായി 54,885 കുലച്ച വാഴയും 43 കര്‍ഷകരുടെയായി 26,750 കുലക്കാത്ത വാഴകളും നശിച്ചു. ഇന്നലെ മഴ കുറവായതിനാല്‍ നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല.