കോഴിക്കോട്: 29 രാജ്യങ്ങളിലെ പ്രമുഖരായ ബ്ലോഗര്‍മാര്‍ ഇന്ന് കോഴിക്കോട്ട് കടപ്പുറത്ത് പട്ടം പറത്തുന്നു. കേരളത്തിലെ സമുദ്രതീര ടൂറിസത്തിന്റെ സാധ്യതകള്‍ ഉപയോഗപ്പെടുത്തുകയെന്ന ലക്ഷ്യവുമായി ടൂറിസം വിഭാഗം നടത്തുന്ന പ്രവര്‍ത്തനങ്ങളുമായി സഹകരിച്ച് വണ്‍ ഇന്ത്യാ കൈറ്റ് ടീമാണ് പരിപാടി നടത്തുന്നത്. ഇന്ന് ഉച്ചയ്ക്ക് രണ്ടിന് കോഴിക്കോട് ബീച്ച് ഓപ്പണ്‍ സ്റ്റേജിന് സമീപമാണ് ബ്ലോഗര്‍മാര്‍ പട്ടം പറത്തുക.
ലോകത്താകമാനമുള്ള നിരവധി ബ്ലോഗര്‍മാരില്‍നിന്നു വിനോദ സഞ്ചാരവിഭാഗം തിരഞ്ഞെടുത്ത 29 പേരാണ് സന്ദര്‍ശനത്തിനായി ഇവിടെ എത്തിയിരിക്കുന്നത്. വാര്‍ത്താസമ്മേളനത്തില്‍ അബ്ദുല്ല മാളിയേക്കല്‍, ഹാഷിം കടാകലകം, സാജിദ് തോപ്പില്‍, സുബൈര്‍ കൊളക്കാടന്‍ പങ്കെടുത്തു.