ദുബായ്: ദുബായ് ആസ്ഥാനമായി പ്രവര്‍ത്തിക്കുന്ന എമിറേറ്റ്‌സ് ഫ്‌ളൈറ്റിന് നിശ്ചിത യാത്രക്കാരുമായി പറക്കാന്‍ യു.എ.ഇ സര്‍ക്കാറിന്റെ യാത്രാനുമതി. ഏപ്രില്‍ 6 മുതല്‍ സര്‍വിസുകള്‍ പുനരാരംഭിക്കുമെന്ന് എമിറേറ്റ്‌സ് അധികൃതര്‍ അറിയിച്ചു.

കാര്‍ഗോ സര്‍വിസുള്‍പ്പെടെ രാജ്യത്തിനു പുറത്തേക്കുള്ള സേവനങ്ങളെ കുറിച്ചുള്ള വിവരങ്ങള്‍ പിന്നീട് അറിയിക്കുമെന്ന് എമിറേറ്റ്‌സ് ഗ്രൂപ്പ് ചെയര്‍മാനും സി.ഇ.ഒയുമായ ശൈഖ് അഹ്മദ് ബിന്‍ സഈദ് അല്‍ മക്തൂം പറഞ്ഞു.

ജീവനക്കാരുടെയും ഉപഭോക്താക്കളെയും ആരോഗ്യ സംരക്ഷണം, മറ്റു യാത്രാനടപടികള്‍ ഉള്‍പ്പെടെയുള്ള പ്രവര്‍ത്തനങ്ങള്‍ക്കാണ് പ്രാധാന്യം നല്‍കുക. അവരുടെ സുരക്ഷയും ക്ഷേമവുമാണ് എല്ലായ്‌പ്പോഴും ഞങ്ങളുടെ മുന്‍ഗണനയെന്നും അദ്ദേഹം പറഞ്ഞു.