കൂത്താട്ടുകുളം: തിരുമാറാടി പഞ്ചായത്തില്‍ കിണര്‍ റീചാര്‍ജിങ് പദ്ധതിക്ക് തുടക്കമായി. തൊഴിലുറപ്പു പദ്ധതിയുമായി സംയോജിപ്പിച്ചാണ് കിണറുകള്‍ റീചാര്‍ജ് ചെയ്യുന്ന പദ്ധതി നടപ്പാക്കുന്നത്.750 കിണറുകളിലാണ് ഇപ്പോള്‍ പദ്ധതി നടപ്പാക്കുന്നത്. കിണറുകളുടെ നിശ്ചിത അകലത്തില്‍ കുഴികള്‍ കുത്തി റിങ് ഇറക്കി, അരിപ്പ ഉള്‍പ്പെടെ സജ്ജീകരിച്ചാണ് പദ്ധതി പ്രാവര്‍ത്തികമാക്കുന്നത്.
പഞ്ചായത്ത് പ്രസിഡന്റ് ഒ.എന്‍ വിജയന്‍ ഉദ്ഘാടനം ചെയ്തു. പുഷ്പലത രാജു അധ്യക്ഷയായി. കെ ആര്‍ പ്രകാശ്, രമ മുരളീധര കൈമള്‍, ലിസി റെജി, മായ കെ എസ് ,വി ഇഒ പുരുഷോത്തമന്‍ ,എ ഇ ഷൈമോള്‍ എന്നിവര്‍ സംസാരിച്ചു.