ദുബൈ:സഊദി ഫുട്‌ബോള്‍ താരം ഫഹദ് അല്‍ മുവല്ലാദ് ദുബൈയിലെ കെട്ടിടത്തില്‍ നിന്ന് വീണ് ഗുരുതര പരിേേക്കറ്റു.പരിക്കേറ്റ താരത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.

ദുബൈയില്‍ അവധിക്കാലയാഘോഷത്തിനായി എത്തിയതായിരുന്നു താരം. ഫ്‌ളാറ്റിന്റെ ബാല്‍ക്കണിയില്‍ നിന്ന് അബദ്ധത്തില്‍ താഴെയ്ക്ക് വീണതാണെന്നാണ് പ്രാഥമികമായി പൊലിസ് പുറത്തുവിടുന്ന റിപ്പോര്‍ട്ട്.തീവ്ര പരിചരണ വിഭാഗത്തില്‍ കഴിയുന്ന അല്‍ മുവല്ലദിന്റെ ആരോഗ്യ സ്ഥിതി സൂക്ഷ്മമായി നീരിക്ഷിച്ചു വരികയാണ്. അദ്ദേഹത്തെ നീരിക്ഷിക്കാന്‍ വിദഗ്ധ മെഡിക്കല്‍ സംഘത്തെ നിയമിച്ചതായി അധികൃതര്‍ അറിയിച്ചു.

അന്വേഷണം പുരോഗമിക്കുകയാണെന്നും ഫലം ലഭിച്ചതിന് ശേഷം ബന്ധപ്പെട്ട അധികാരികളുമായി പങ്കിടുമെന്നും ദുബൈ പോലീസ് അറിയിച്ചു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക