കൊല്ലം: കടയ്ക്കല്‍ മുക്കുന്നത്തു പ്രവര്‍ത്തിക്കുന്ന മന്നാനിയാ ബനാത്ത് യതീംഖാനയോടനുബന്ധിച്ചുള്ള മന്നാനിയാ തഹ്ഫീളുല്‍ ഖുര്‍ആന്‍ കോളജില്‍ നിന്നും ഖുര്‍ആന്‍ സമ്പൂര്‍ണമായി മനഃപാഠമാക്കിയ 27 ആണ്‍കുട്ടികള്‍ക്കും 12 പെണ്‍കുട്ടികള്‍ക്കും സനദ് നല്‍കുന്ന സമ്മേളനവും പുതിയ ഓഫിസ് ബ്ലോക്കിന്റെ ഉദ്ഘാടനം നാളെ മുക്കുന്നം മന്നാനിയ നഗറില്‍ നടക്കും.
ഉച്ചയ്ക്ക് രണ്ടിന് മൈലാപ്പൂര്‍ ഷൗക്കത്താലി മൗലവി പതാക ഉയര്‍ത്തും. ഹാഫിസ് അബ്ദുല്‍ റഹീം മന്നാനി അധ്യക്ഷത വഹിക്കും. പൂര്‍വവിദ്യാര്‍ഥി സമ്മേളനം എം. ബീരാന്‍കുട്ടി ഹസ്രത്ത് ഉദ്ഘാടനം ചെയ്യും. ഇലവുപാലം ശംസുദ്ദീന്‍ മന്നാനി മുഖ്യപ്രഭാഷണം നടത്തും. വൈകിട്ട് നാലിന് ഓഫിസ് ബ്ലോക്കിന്റെ ഉദ്ഘാടനം കടയ്ക്കല്‍ അബ്ദുല്‍ അസീസ് മൗലവി നിര്‍വഹിക്കും.
തുടര്‍ന്ന് തൊടിയൂര്‍ മുഹമ്മദ് കുഞ്ഞ് മൗലവി അധ്യക്ഷത വഹിക്കും. കെ.ടി മുഹമ്മദ്കുട്ടി ഹസ്രത്ത് സനദ് ദാനവും ഹാഫിസ് അബ്ദുല്‍ ലത്തീഫ് മൗലവി ഈരാറ്റുപേട്ട സ്ഥാനവസ്ത്രവും വിതരണം ചെയ്യും. ചേലക്കുളം അബ്ദുല്‍ ബുഷ്‌റാ കെ.എം മുഹമ്മദ് മൗലവി അനുഗ്രഹ പ്രഭാഷണം നടത്തും.
അസീസിയാ ചെയര്‍മാന്‍ എം അബ്ദുല്‍ അസീസ്, തേവലക്കര അലിയാര് കുഞ്ഞ് മൗലവി പ്രസംഗിക്കും. രാത്രി എട്ടിന് ഇ.പി അബൂബക്കര്‍ ഖാസിമി പ്രഭാഷണം നടത്തും.