പുളിക്കല്‍: ജില്ലാ പഞ്ചഗുസ്തി ചാംപ്യന്‍ഷിപ്പ് 16ന് പുളിക്കല്‍ വ്യാപാരഭവന്‍ ഓഡിറ്റോറിയത്തില്‍ നടക്കും. മത്സരങ്ങള്‍ക്ക് കേരള സ്‌പോര്‍ട്‌സ് കൗണ്‍സില്‍ അംഗീകാരം ലഭിച്ചതിനുശേഷം ആദ്യമായി നടക്കുന്ന ചാംപ്യന്‍ഷിപ്പില്‍ ആണ്‍-പെണ്‍ വിഭാഗങ്ങളില്‍ പ്രത്യേക മത്സരങ്ങള്‍ നടക്കുമെന്ന് പഞ്ചഗുസ്തി അസോസിയേഷന്‍ പ്രസിഡന്റ് എ. പ്രഭാകരന്‍, സെക്രട്ടറി സന്ദീപ്. ടി എന്നിവര്‍ അറിയിച്ചു.
ഒന്നും രണ്ടും സ്ഥാനങ്ങള്‍ ലഭിക്കുന്നവര്‍ക്ക് മെയ് ഏഴിന് കണ്ണൂരില്‍ നടക്കുന്ന സംസ്ഥാന ചാംപ്യന്‍ഷിപ്പില്‍ പങ്കെടുക്കാം. മെയ് 20 മുതല്‍ ന്യൂഡല്‍ഹിയിലാണ് ദേശീയ മത്സരങ്ങള്‍. സംസ്ഥാനതല സ്‌കൂള്‍മത്സരങ്ങള്‍ ഓഗസ്തില്‍ നടക്കും. മത്സരാര്‍ഥികളെ സ്‌കൂളുകള്‍ക്കും ക്ലബ്ബുകള്‍ക്കും പരിശീലിപ്പിക്കാം. ആവശ്യമായ പരിശീലന ടേബിളുകള്‍ അസോസിയേഷന്‍ മുഖേന ലഭ്യമാക്കുമെന്നും ഇവര്‍ പറഞ്ഞു. ഫോണ്‍: 8289964575, 9400593075.