വടുതല : എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റിയുടെ നേത്യത്വത്തില്‍ അടുത്ത മൂന്നു മാസത്തിനകം ജില്ലയില്‍ രൂപീകരിക്കപ്പെടുന്ന നൂറ് യൂനിറ്റുകളുടെ രൂപീകരണോല്‍ഘാടനവും നിലവിലുള്ള യൂനിറ്റുകളുടെ ശാക്തീകരണ കാംപയിനിന്റെ ഉദ്ഘാടനവും ജില്ലാ പ്രസിഡന്റ് മഹ്‌റൂഫ് വാഫി നിര്‍വഹിച്ചു.
കുന്നംകുളം മേഖലയിലെ വടുതല യൂനിറ്റിന്റെ രൂപീകരണത്തോടെയായിരുന്നു കാംപയിനിന് തുടക്കം കുറിച്ചത്. അടുത്ത മൂന്നു മാസത്തിനകം ജില്ലയിലെ പതിമൂന്ന് മേഖലകളുടെയുടെയും നൂറ്റമ്പത് യൂനിറ്റുകളുടെയും ശാക്തീകരണത്തോടൊപ്പം വിവിധ മേഖലകളിലായി നൂറ് യൂനിറ്റുകള്‍ പുതുതായി രൂപീകരിക്കപ്പെടും.
ഇതിന്റെ ഭാഗമായി അദാലത്ത്, മേഖലാ, യൂനിറ്റ് പര്യടനം, ഗ്രേഡിങ് സംവിധാനം ഏര്‍പ്പെടുത്തല്‍, മികച്ച കമ്മിറ്റികള്‍ക്ക് പുരസ്‌കാരം തുടങ്ങിയവ നടക്കും.
വടുതലയില്‍ നടന്ന ചടങ്ങില്‍ മൊയ്ദീന്‍ മുസ്‌ലിയാര്‍, കുന്നംകുളം മേഖല സെകട്ടറി ത്വാഹാ പഴുന്നാന, കുന്നംകുളം മേഖല ട്രഷറര്‍ അബ്ദുല്‍ റഹ്മാന്‍ ചിറമനേങ്ങാട് സംബന്ധിച്ചു. വടുതല യൂനിറ്റിന്റെ പുതിയ ഭാരവാഹികളായി ഉബൈദ് ഹുദവി (പ്രസിഡന്റ്) ,ഇല്യാസ് (ജനറല്‍ സെക്രട്ടറി), ഷെഹ്‌സിന്‍ (ട്രഷറര്‍) എന്നിവരെ തിരഞ്ഞെടുത്തു.