പേരാമ്പ്ര: ജബലുന്നൂര്‍ ഇസ്‌ലാമിക് കാംപസില്‍ നടന്ന ഇഫ്താര്‍ മീറ്റിന്റെ ഭാഗമായി സംഘടിപ്പിച്ച സൗഹൃദ സംഗമം ശ്രദ്ധേയമായി. നൂറുകണക്കിനു പേര്‍ സംഗമത്തില്‍ പങ്കെടുത്തു. സംഗമം എക്‌സൈസ് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്തു. 

പ്രസിഡന്റ് സി.എസ്.കെ തങ്ങള്‍ പാലേരി അധ്യക്ഷനായി. അഡ്വ. മുഹമ്മദ് ഇഖ്ബാല്‍, എ.വി അബ്ദുല്ല, പഞ്ചായത്തംഗങ്ങളായ ഗോപി മരുതോറമ്മല്‍, ബിജു കൃഷ്ണ, കെ.എസ് മൗലവി, റഫീഖ് സകരിയ്യ ഫൈസി, ബാദുഷ അബ്ദുല്‍ സലാം, പി.എം കോയ മുസ്‌ലിയാര്‍ സംസാരിച്ചു. ഹജ്ജിന്റെ സന്ദേശം എന്ന സെഷനില്‍ അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തി. പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്തു. സയ്യിദ് അലി തങ്ങള്‍, ഖാസിം നിസാമി കുട്ടോത്ത്, റാഷിദ് ദാരിമി കുട്ടോത്ത്, സ്വാലിഹ് ഹുദവി സംസാരിച്ചു.