കോഴിക്കോട്: കോഴിക്കോട് ജില്ലയില്‍ 14 കോവിഡ് ഹോട്ട്സ്പോട്ടുകളുണ്ടെന്ന് ആരോഗ്യവകുപ്പ്. ഇവിടെ കര്‍ശന നിരീക്ഷണം തുടരാനാണ് ആരോഗ്യ വകുപ്പിന്റെ നിര്‍ദേശം. ജനങ്ങള്‍ സഹകരിക്കണമെന്നും അഭ്യര്‍ഥിച്ചിട്ടുണ്ട്.

ജില്ലയിലെ എടച്ചേരി, അഴിയൂര്‍, കിഴക്കോത്ത്, വേളം, ആയഞ്ചേരി, ഉണ്ണികുളം, മടവൂര്‍, ചെക്കിയാട്, തിരുവള്ളൂര്‍, നാദാപുരം, ചെങ്ങരോത്ത്, കായക്കൊടി വില്ലേജുകള്‍ ഇവയില്‍ ഉള്‍പ്പെടുന്നുണ്ട്. കോഴിക്കോട് കോര്‍പ്പറേഷനില്‍ ഉള്‍പ്പെടുന്ന പയ്യാനക്കല്‍, കൊളത്തറ ഡിവിഷനുകളും പട്ടികയിലുണ്ട്.
സര്‍ക്കാര്‍ റെഡ് സോണില്‍ ഉള്‍പ്പെടുത്തിയ നാല് ജില്ലകളില്‍ കോഴിക്കോടും ഉള്‍പ്പെട്ടിരുന്നു.