ദുബൈ: രാജ്യാന്തര വിപണിയിലെ ചലനങ്ങൾക്കും ഭൗമരാഷ്ട്രീയ സംഘർഷങ്ങൾക്കുമിടയിൽ ദുബൈയിലെ സ്വർണ്ണവിലയിൽ ഇടിവ്. സമാധാന പദ്ധതിയോടുള്ള ഇറാന്റെ പ്രതികരണം അമേരിക്ക നിരസിച്ചതിന് പിന്നാലെ തിങ്കളാഴ്ച വിപണി ആരംഭിച്ചപ്പോൾ ഗ്രാമിന് 5 ദിർഹത്തിലധികം കുറവാണ് രേഖപ്പെടുത്തിയത്. | uae gold rate.

തിങ്കളാഴ്ച രാവിലെ 24K സ്വർണ്ണത്തിന് 563.00 ദിർഹം എന്ന നിലയിലാണ് വ്യാപാരം നടക്കുന്നത്. വെള്ളിയാഴ്ച വിപണി ക്ലോസ് ചെയ്യുമ്പോൾ ഇത് 568.25 ദിർഹമായിരുന്നു. അതായത് ഒറ്റയടിക്ക് ഗ്രാമിന് 5.25 ദിർഹത്തിന്റെ ഇടിവുണ്ടായി.

വിവിധ വേരിയന്റുകളുടെ വില നിലവാരം (ഗ്രാമിന്)

• 24K: 563.00 ദിർഹം
• 22K: 521.25 ദിർഹം
• 21K: 499.75 ദിർഹം
• 18K: 428.25 ദിർഹം

ആഗോള വിപണിയിൽ സ്വർണ്ണവിലയിൽ 0.28 ശതമാനത്തിന്റെ ഇടിവ് രേഖപ്പെടുത്തി. ഔൺസിന് 4,673.06 ഡോളർ എന്ന നിരക്കിലാണ് രാജ്യാന്തര വിപണിയിൽ വ്യാപാരം നടക്കുന്നത്. അതേസമയം വെള്ളി വിലയിൽ 1.22 ശതമാനം വർദ്ധനവ് രേഖപ്പെടുത്തിയിട്ടുണ്ട്.

ALSO READ: ഇറാന്റെ മറുപടി ട്രംപിന് പിടിച്ചില്ല, വീണ്ടും യുദ്ധ സാധ്യതയില്‍ മിഡില്‍ ഈസ്റ്റ്; കേരളത്തില്‍ പൊന്നിന് ഇന്നും വിലയിടിഞ്ഞു

വിലക്കുറവിന് പിന്നിൽ

അമേരിക്കയും ഇറാനും തമ്മിലുള്ള വെടിനിർത്തൽ ചർച്ചകൾ 34-ാം ദിവസത്തിലേക്ക് കടക്കുമ്പോഴും അനിശ്ചിതത്വം തുടരുന്നതാണ് വിപണിയെ ബാധിച്ചത്. വെടിനിർത്തൽ നിർദ്ദേശത്തോടുള്ള ഇറാന്റെ മറുപടി തികച്ചും അസ്വീകാര്യമാണെന്നാണ് യുഎസ് പ്രസിഡന്റ് ഡൊണാൾഡ് ട്രംപിന്റെ ഭാഷ്യം. ഹോർമുസ് കടലിടുക്കിന്റെ നിയന്ത്രണം ഇറാൻ തുടരുന്നതും കൃത്യമായ ധാരണയിൽ എത്താൻ കഴിയാത്തതും നിക്ഷേപകരെ സ്വാധീനിക്കുന്നുണ്ട്.

മേഖലയിലെ സംഘർഷം അവസാനിപ്പിക്കുന്നതിലും ലെബനൻ ഉൾപ്പെടെയുള്ള ഇടങ്ങളിൽ സമാധാനം പുനഃസ്ഥാപിക്കുന്നതിലുമാണ് തങ്ങളുടെ ശ്രദ്ധയെന്ന് ഇറാൻ വ്യക്തമാക്കിയെങ്കിലും ജലപാതകൾ തുറക്കുന്ന കാര്യത്തിൽ കൃത്യമായ സമയപരിധി നൽകിയിട്ടില്ല. യുദ്ധം തുടരുന്ന പശ്ചാത്തലത്തിൽ വിപണിയിലെ അസ്ഥിരത തുടരാനാണ് സാധ്യതയെന്ന് സാമ്പത്തിക വിദഗ്ധർ വിലയിരുത്തുന്നു.

Gold buyers in Dubai have received positive news as gold prices witnessed a sharp decline. The latest price drop is expected to boost jewellery purchases, attract shoppers, and offer better deals for residents and tourists alike.