ജിദ്ദ: സഊദിയിൽ കർഫ്യൂ സമയത്ത് വാഹനം ഉപയോഗിക്കുന്ന തിനായി അനുവദിക്കുന്ന പെർമിറ്റിന്റെ ആനുകൂല്യം അത് കൈവശമുള്ള വ്യക്തിക്ക് മാത്രമെ ലഭിക്കുകയുള്ളുവെന്ന് സഊദി ട്രാഫിക് ഡയറക്ടറേറ്റ് വ്യക്തമാക്കി. കര്‍ഫ്യൂ നിലവിലുള്ള സമയത്ത് പുറത്തിറങ്ങുന്നവരുടെ പക്കല്‍ പെർമിറ്റ്
നിര്‍ബന്ധമാണ്. പെര്‍മിറ്റ് കൈവശമില്ലാതെ സഞ്ചരിക്കുന്നവര്‍ക്കെതിരെ ശിക്ഷാ നടപടികള്‍ കൈകൊള്ളൂം.
അതേ സമയം ജിസാനിലെ സാംത്ത, അല്‍ദായര്‍ പ്രദേശങ്ങളിലും അനിശ്ചിത കാലത്തേക്ക്
24 മണിക്കൂര്‍ കര്‍ഫ്യൂ ഏര്‍പ്പെടുത്തിയതായി ആഭ്യന്തരമന്ത്രാലയം അറിയിച്ചു. നേരത്തെ കര്‍ഫ്യൂ ഇളവ് അനുവദിച്ചവര്‍ക്ക് ആനുകൂല്യം തുടരും. ഭക്ഷണം, ചികിത്സ തുടങ്ങിയ അവശ്യ സേവനങ്ങൾക്ക് താമസ ഏരിയക്ക് പരിധിയിലെ കേന്ദ്രങ്ങളില്‍ പോകാം.