തുറവൂര്‍: വളമംഗലത്ത് നാട്ടുകാരെ ഭീതിയിലാക്കി കഞ്ചാവു മയക്കു മരുന്നു സംഘങ്ങള്‍ വിലസുന്നു. .തേവലപ്പൊഴി,പുളിത്തറക്കടവ്,എസ്.എന്‍.ജി.എം കോളജ് പരിസരം എന്നിവിടങ്ങളിലാണ് ഇവര്‍ താവളമടിക്കുന്നത്.
അമിതവേഗത്തില്‍ ബൈക്കുകളില്‍ പായുന്ന യുവാക്കളുടെ സംഘങ്ങള്‍ നാട്ടുകാരെ ഭീതിയിലാക്കുകയാണ്. സന്ധ്യ കഴിഞ്ഞാല്‍ സ്ത്രീകള്‍ക്കും കുട്ടികള്‍ക്കും പുറത്തിറങ്ങാനാകാത്ത സ്ഥിതിയാണ്. റോഡുകളും ഇടവഴികളും കായോരവും കേന്ദ്രീകരിച്ചാണ് ഇവര്‍ വിഹരിക്കുന്നത്. പോലീസ് എക്‌സൈസ് അധികൃതര്‍ രാത്രികാല പരിശോധന കര്‍ശനമാക്കി നാട്ടുകാരുടെ ഭീതിയകറ്റാന്‍ നടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.