കായംകുളം:ഫേസ് ബുക്കില്‍ സി.പി.എമ്മിനെ വിമര്‍ശിച്ച് പോസ്റ്റിട്ടതിന്റെ പേരില്‍ യൂത്ത് കോണ്‍ഗ്രസ് പ്രവര്‍ത്തകനെ വെട്ടി പരുക്കേല്‍പിച്ചതായി പരാതി. കറ്റാനം സ്വദേശി സുഹൈല്‍ ഹസ്സന്‍ (25) ന് ആണ് വെട്ടേറ്റത്. ഇന്നലെ രാത്രിയില്‍ കായംകുളം ഗവ: ആശുപത്രിയില്‍ ഉള്ളവര്‍ക്ക് കൊവിഡ് ഭാഗമായി കഞ്ഞി നല്‍കി തിരികെ വരുമ്പോള്‍ കറ്റാനം ജംഗ്ഷനില്‍ വെച്ചാണ് വെട്ടേറ്റത്. സി.പി.എമ്മിനെതിരെ ഫേസ് ബുക്കില്‍ പോസ്റ്റ് ഇട്ടതാണ് വെട്ടിപരുക്കേല്‍പ്പിക്കാന്‍ കാരണമെന്ന് യൂത്ത് കോണ്‍ഗ്രസ് നേതാക്കല്‍ ആരോപിച്ചു.
കഴുത്തിനു വെട്ടേറ്റ സുഹൈലിനെ ആലപ്പുഴ വണ്ടാനം മെഡിക്കല്‍ കോളേജ് ഹോസ്പിറ്റലില്‍ പ്രവേശിപ്പിച്ചു പിന്നീട് എറണാകുളത്തെ സ്വകാര്യ ആശുപത്രിയിലേക്ക് മാറ്റി.