ന്യൂഡല്‍ഹി: കൊവിഡ് സംബന്ധിച്ച് കേന്ദ്രസര്‍ക്കാര്‍ ജനങ്ങള്‍ക്കിടയില്‍ ഫോണ്‍ വഴി സര്‍വേ നടത്തും. ഇതിനായി 1921 എന്ന നമ്പരില്‍ നിന്ന് വിളിവരും. എല്ലാവരും സര്‍വേയില്‍ പങ്കെടുത്ത് അഭിപ്രായം രേഖപ്പെടുത്തണമെന്ന് കേന്ദ്ര ആരോഗ്യമന്ത്രാലയം അഭ്യര്‍ഥിച്ചു. നാഷണല്‍ ഇന്‍ഫോമാറ്റിക് സെന്ററാണ് സര്‍വേ നടത്തുക. സര്‍വേ സംബന്ധിച്ച് സംസ്ഥാനങ്ങളും കേന്ദ്രഭരണ പ്രദേശങ്ങളും ജനങ്ങളെ അറിയിക്കണം. അതോടൊപ്പം സംസ്ഥാന ആരോഗ്യമന്ത്രാലയത്തിന്റെ വെബ്‌സൈറ്റിലും ഇക്കാര്യം പരസ്യപ്പെടുത്തണം.