മാട്ടൂല്‍: മാടക്കല്‍ കക്കാടന്‍ചാല്‍ പ്രദേശത്ത് കടലാക്രമണം അതിരൂക്ഷമായി. മണ്ണൊലിച്ചു ജനവാസ കേന്ദ്രങ്ങളിലും കോളനികളിലും വെള്ളം കയറിയിരിക്കുകയാണ്.സമീപ കാലങ്ങളിലെ ഏറ്റവും കനത്ത കടലാക്രമണമാണ് മാട്ടൂല്‍ നോര്‍ത്ത് പ്രദേശം നേരിടുന്നത്.  ലക്ഷക്കണക്കിനു രൂപയുടെ നാശനഷ്ടമാണുണ്ടായത്.  പ്രദേശവാസികള്‍ ജോലിക്കു പോകാന്‍കഴിയാത്ത അവസ്ഥയിലാണുള്ളത്. കടലാക്രമണഭീഷണി നേരിടുന്ന പ്രദേശങ്ങള്‍ ഗ്രാമപഞ്ചായത്ത് പ്രസിഡന്റ് കെ.വി മുഹമ്മദലിഹാജി, മണ്ഡലം മുസ്‌ലിം ലീഗ് ജനറല്‍സെക്രട്ടറി ഗഫൂര്‍ മാട്ടൂല്‍, സി.എച്ച് ഖൈറുന്നിസ, വി.പി.കെ സലാം, കെ.റഷീദ് സന്ദര്‍ശിച്ചു.