പാലക്കാട്: ലക്ഷ്യപ്രാപ്തിയിലെത്താന്‍ വിദ്യാര്‍ഥികള്‍ ഏകാഗ്ര ചിത്തരായിരിക്കണമെന്നും കിട്ടിയ അറിവിനോടുള്ള ആദരവും ബഹുമാനവുമാണ് യഥാര്‍ഥ ഗുരുവന്ദനമെന്നും സാഹിത്യകാരന്‍ മുണ്ടൂര്‍ സേതുമാധവന്‍ അഭിപ്രായപ്പെട്ടു. ആശ്രയം റൂറല്‍ ഡെവലപ്‌മെന്റ് സൊസൈറ്റി സംഘടിപ്പിച്ച ഗുരുവന്ദനംഉദ്ഘാചനം ചെയ്ത് സംസാരിക്കുകയായിരുന്നു അദ്ദേഹം.
ആശ്രയം പ്രസിഡന്റ് പ്രഫുല്ലദാസ് അധ്യക്ഷനായ ചടങ്ങില്‍ ഒനൂര്‍പ്പള്ളം രാജന്‍, സെക്രട്ടറി പി. ആരവവിന്ദാക്ഷന്‍, കോഓര്‍ഡിനേറ്റര്‍ എസ്.ഗുരുവായൂരപ്പന്‍, പ്രസിഡന്റ് മോഹന്‍ദാസ് മമ്പറം, എസ് ഗോപകുമാര്‍ എന്നിവര്‍ സംസാരിച്ചു.