തിരുവനന്തപുരം: സൂപ്പര്‍ ഫാസ്റ്റ് ബസിന്റെ കണ്ടക്ടറായതിനു പിന്നാലെ കെ.എസ്.ആര്‍.ടി.സി സി.എം.ഡി ടോമിന്‍ തച്ചങ്കരി ഇന്ന് സ്റ്റേഷന്‍ മാസ്റ്ററാകും. തമ്പാനൂര്‍ സെന്‍ട്രല്‍ ഡിപ്പോയില്‍ രാവിലെയുള്ള ഷിഫ്റ്റിലാണ് തച്ചങ്കരി സ്റ്റേഷന്‍ മാസ്റ്ററുടെ ഡ്യൂട്ടിയെടുക്കുന്നത്. ഇന്നലെ ചീഫ് ഓഫിസില്‍ സീനിയര്‍ സ്റ്റേഷന്‍ മാസ്റ്ററില്‍നിന്ന് തച്ചങ്കരി സ്റ്റേഷന്‍ മാസ്റ്ററുകളുടെ ചുമതലകളെ കുറിച്ച് പഠിച്ചു. കെ.എസ്.ആര്‍.ടി.സിയിലെ എല്ലാ വിഭാഗം ജീവനക്കാരുടെയും തൊഴില്‍ സാഹചര്യവും ഡിപ്പോകളുടെ പ്രവര്‍ത്തനവും പൂര്‍ണമായി മനസിലാക്കുകയാണ് അദ്ദേഹത്തിന്റെ ലക്ഷ്യം.