രാജ്‌കോട്ട്: ഐ.പി.എല്ലിന്റെ 10ാം എഡിഷനില്‍ മുന്‍ ചാംപ്യന്മാരായ കൊല്‍ക്കത്ത നൈറ്റ് റൈഡേഴ്‌സിന് വിജയത്തുടക്കം. സുരേഷ് റെയ്‌ന നയിക്കുന്ന ഗുജറാത്ത് ലയണ്‍സിനെതിരേയാണ് കൊല്‍ക്കത്തയുടെ വിജയം. ടോസ് നേടിയ കൊല്‍ക്കത്ത ഗുജറാത്തിനെ ബാറ്റിങ്ങിനയയ്ക്കുകയായിരുന്നു.

ആദ്യം ബാറ്റിങ് ലഭിച്ച ഗുജറാത്തിനെ സ്‌കോറിങ്ങില്‍ നയിച്ചതും ക്യാപ്റ്റന്‍ റെയ്‌ന തന്നെ. പുറത്താകാതെ 51 പന്തില്‍ നിന്നും 68 റണ്‍സെടുത്ത റെയ്‌നയുടെയും 47 റണ്‍സെടുത്ത കാര്‍ത്തിക്കിന്റെയും മികവില്‍ നിശ്ചിത ഓവറില്‍ നാല് വിക്കറ്റ് നഷ്ടത്തില്‍ 183 റണ്‍സാണ് ഗുജറാത്ത് നേടിയത്.

വിജയത്തിന് 184 റണ്‍സെന്ന ലക്ഷ്യവുമായി ഇറങ്ങിയ  കൊല്‍ക്കത്ത വിക്കറ്റൊന്നും നഷ്ടപ്പെടാതെ 14.5 ഓവറില്‍ ലക്ഷ്യം കണ്ടു. ഓപണര്‍മാരായ ക്യാപ്റ്റന്‍ ഗംഭീറിന്റെയും ക്രിസ് ലിന്നിന്റെയും അര്‍ധസെഞ്ച്വറിയുടെ മികവില്‍ ഗുജറാത്തിനെതിരേ സൂപ്പര്‍ വിജയം കുറിച്ചു കൊല്‍ക്കത്ത. ഗംഭീര്‍ 76(48) റണ്‍സെടുത്തപ്പോള്‍ ക്രിസ് ലിന്‍ 93(41) റണ്‍സ് കുറിച്ചു.