മാനന്തവാടി: പി.എന്‍ പണിക്കര്‍ അനുസ്മരണ വായനദിനമായ ജൂണ്‍ 19 മുതല്‍ ഒരു മാസക്കാലം രാജ്യത്തെ എല്ലാ സംസ്ഥാനങ്ങളിലുമുള്ള 712 ജില്ലകളില്‍ 30 ദിവസം നിണ്ടുനില്‍ക്കുന്ന വായനയുടെ ദേശീയ മഹോത്സവത്തിന് തിരിതെളിയും. വയനാട് ജില്ലാതല 23 മത് വായനാദിനത്തിന്റെയും വായന മാസചരണത്തിന്റെയും ഉദ്ഘാടനം സുല്‍ത്താന്‍ ബത്തേരി ഡോണ്‍ ബോസ്‌കോ കോളജില്‍ നടക്കും. ജൂണ്‍ 19ന് തുടങ്ങുന്ന വായനാദിന മാസാചരണത്തിന്റെ ഭാഗമായി ജില്ലയുടെ പല ഭാഗങ്ങളില്‍ വിവിധ പരിപാടികള്‍ സംഘടിപ്പിക്കും.