കോഴിക്കോട്: വനിതാ പോളിടെക്‌നികില്‍ പുതുതായി നിര്‍മിച്ച അക്കാദമിക് ബ്ലോക്കിന്റെയും പ്രൊഡക്ഷന്‍ ആന്‍ഡ് ട്രെയ്‌നിങ് സെന്ററിന്റെയും ഹോസ്റ്റല്‍ കെട്ടിടത്തിന്റെയും ഉദ്ഘാടനം മന്ത്രി കെ.ടി ജലീല്‍ നിര്‍വഹിച്ചു. കേരളം ഒരു എജ്യുക്കേഷനല്‍ ഹബ്ബ് ആയി മാറണമെന്ന് അദ്ദേഹം പറഞ്ഞു.  ഉന്നത വിദ്യാഭ്യാസ മേഖല ഉന്നത നിലവാരത്തിലേക്ക് ഉയരണമെന്നും വരും നാളുകളില്‍ സര്‍ക്കാര്‍ സര്‍വിസില്‍ സ്ത്രീകളുടെ സാന്നിധ്യം 70 ശതമാനമായി ഉയരുമെന്നും അദ്ദേഹം കൂട്ടിച്ചേര്‍ത്തു.  ചടങ്ങില്‍ കോര്‍പറേഷന്‍ കൗണ്‍സിലര്‍ പി.എം സുരേഷ്ബാബു, റീജ്യനല്‍ ജോയിന്റ് ഡയറക്ടര്‍ കെ.പി ഇന്ദിരാ ദേവി എഞ്ചിനീയറിങ് കോളജ് പ്രിന്‍സിപ്പല്‍ വി.എസ് ഷീബ, ടെക്‌നിക്കല്‍ ഹൈസ്‌കൂള്‍ പ്രിന്‍സിപ്പല്‍ കെ.കെ രാജേഷ്, പി.ടി.എ വൈസ് പ്രസിഡന്റ് പി.വി ജബ്ബാര്‍ പങ്കെടുത്തു.