ഷൊര്‍ണൂര്‍: കവളപ്പാറ ജീവഥ ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ വിദ്യാര്‍ഥികള്‍ക്കുള്ള അഞ്ചുദിവസം നീണ്ടു നില്‍ക്കുന്ന സമ്മര്‍ ക്യാംപ് തുടങ്ങി. കവളപ്പാറ യു.പി. സ്‌കൂളില്‍ വെച്ചു നടക്കുന്ന ചടങ്ങ് നഗരസഭ വൈസ് ചെയര്‍മാന്‍ ആര്‍. സുനു ഉദ്ഘാടനം ചെയ്തു. അഞ്ചുവയസ്സുമുതല്‍ ഇരുപത് വയസ്സുവരെയുള്ള വിദ്യാര്‍ഥികള്‍ക്ക് ക്യാമ്പില്‍ പങ്കെടുക്കാവുന്നതാണ്. ക്യാംപിന്റെ ഭാഗമായുള്ള ബോധവല്‍കരണ ക്ലാസ് ചെയര്‍പേഴ്‌സണ്‍വി. വിമല ഉദ്ഘാടനം ചെയ്തു.