കാളികാവ്: കാളികാവ് ഗ്രാമ പഞ്ചായത്തിലെ താളിക്കുഴി എസ്.ടി കോളനി കുടിവെള്ള പദ്ധതി ഉദ്ഘാടനം ചെയ്തു. ബ്ലോക്ക് പഞ്ചായത്തില്‍ നിന്ന് 12 ലക്ഷം രൂപ ചെലവഴിച്ചാണ് പദ്ധതി നടപ്പിലാക്കിയിട്ടുള്ളത്. മേഖലയിലെ ദലിത് ഉള്‍പടെ നാല്‍പതോളം കുടുംബങ്ങള്‍ തിങ്ങിപ്പാര്‍ക്കുന്ന കോളനിയില്‍ ഇതോടെ കുടിവെള്ളക്ഷാമത്തിന് പരിഹാരമായി. കുടിവെള്ള പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി ഖാലിദ് മാസ്റ്റര്‍ ഉദ്ഘാടനം ചെയ്തു. കാളികാവ് ഗ്രാമ പഞ്ചായത്ത് പ്രസിഡന്റ് വി.പി.എ നാസര്‍ അധ്യക്ഷനായി. ഗ്രാമ പഞ്ചായത്ത് വൈസ് പ്രസിഡന്റ് എം സുഫൈറ, ബ്ലോക്ക് പഞ്ചായത്തംഗം കെ.പി ഹൈദരലി, സി മുഹമ്മദ്, ഷൗഖത്തലി സി.കെ മാനു സംസാരിച്ചു.