മട്ടന്നൂര്‍: മട്ടന്നൂര്‍ മരുതായില്‍ യുവാക്കളെ ആക്രമിച്ച് ലക്ഷങ്ങള്‍ തട്ടിയെടുത്ത സംഭവത്തില്‍ ഒരാള്‍ കൂടി കീഴടങ്ങി. നടുവനാട് സ്വദേശി രജീഷാ(30)ണ് മട്ടന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ കീഴടങ്ങിയത്. കൂടുതല്‍ ചോദ്യം ചെയുന്നതിനായി അന്വേഷണ ഉദ്യോഗസ്ഥനായ മട്ടന്നൂര്‍ സി.ഐ ഷജു ജോസഫ് രജീഷിനെയും നേരത്തെ അറസ്റ്റു ചെയ്ത ഷുക്കൂറിനെയും കസ്റ്റഡിയില്‍ വാങ്ങി. ഇരുവരെയും യുവാക്കളെ ആക്രമിച്ച സ്ഥലങ്ങളില്‍ കൊണ്ടുപോയി തെളിവെടുത്തു. ഇതുവരെ സംഭവവുമായി ബന്ധപ്പെട്ട് ഏഴു പേര്‍ പിടിയിലായി. കഴിഞ്ഞ ഫെബ്രുവരിയിലാണ് പണയത്തിലിരിക്കുന്ന സ്വര്‍ണാഭരണങ്ങള്‍ എടുത്ത് നല്‍കുന്ന സംഘത്തിലെ രണ്ടു യുവാക്കളെ സംഘം ആക്രമിച്ചത്. മട്ടന്നൂര്‍  ഇരിക്കൂര്‍ റൂട്ടില്‍ മരുതായി കള്ള്ഷാപ്പിന് സമീപത്ത് വച്ചായിരുന്നു സംഭവം.